【台灣大坵島】台灣過百隻野生梅花鹿等你來餵

【台灣大坵島】台灣過百隻野生梅花鹿等你來餵

而家餵鹿唔使去日本啦,近近哋台灣都有得餵。呢個有過百隻鹿的地方,其實是台灣馬祖的大坵島,雖然大坵島地方唔算大,只有 0.69 平方公裏,但島上有過百隻野放的梅花鹿,除此之外亦有生態步道及軍營建築等,可以親親大自然的同時,又可以同鹿仔零距離接觸!

【台灣大坵島】台灣過百隻野生梅花鹿等你來餵 1
位於台灣馬祖北竿以北約 200 公尺的「大坵島」,本來有數十戶居民居住,不過因為交通問題相繼遷走,而 1996 年國軍撤離後,呢個島就變成無人島,而島上的梅花鹿,有指係當年馬祖農業改良場,野放在島上,結果由本來的幾十隻變成現在的過百隻。
【台灣大坵島】台灣過百隻野生梅花鹿等你來餵 2
若然你想餵島上的鹿,你可以選擇摘樹上的枝葉或是薜荔果實,呢啲都係鹿仔最鍾意食嘅嘢,千祈唔好帶其他嘢去餵佢哋。島上隨時都可以見到梅花鹿,不過因為大坵島是無人島的關係,所以野生鹿都比較怕人,所以若島上有鹿仔見到你調頭走的話,就唔好追。另外亦要註意一點的是,有長角的公鹿亦有一定攻擊性,所以見到佢哋都唔好表現得太興奮。
【台灣大坵島】台灣過百隻野生梅花鹿等你來餵 3
島上的生態步道全長約 2 個小時,途中除咗可以見到梅花鹿外,亦可欣賞島岸的景色,正呀!

大坵島
交通:在台北或台中,可乘坐內陸機到馬祖南竿,到達南竿後可到褔澳港轉船前往,來回船票為 NT$350(約 91 港紙),而即日起至  10 月 31 日的船期如下:
9、10 月(每日 1 班)
去程:9:50am 、回程:12:10pm

發佈留言

關閉選單
×

產品入口: 產品添加到購物車

Buy for $50 more and get free shipping